Home राजनीति

राजनीति

बागमती: बागमती गाउँपालिका-८ स्थित शान्तिपुर चापट न्यूरेनीमा विभिन्न पार्टी परित्याग गरि नेकपा माओवादी केन्द्रमा प्रवेश गरेका छन् । मंगलबार पार्टी ८ नम्बर कमिटीको आयोजनामा भएको पार्टी प्रवेश कार्यक्रममा ८४ जना पार्टी प्रवेश गरेका हुन् ।

img 20250122 wa00496529623166274060875

पार्टी प्रवेश गर्नेहरूमा नेकपा एमाले ,नेपाली काङ्ग्रेस र राष्ट्रिय प्रजातन्त्र पार्टी (राप्रपा) का नेता कार्यकर्ताहरु रहेका छन् । नव प्रवेशीहरुलाई प्रमुख अथिती नेकपा माओवादी केन्द्र बागमती प्रदेश उपाध्यक्ष एवम् बागमती प्रदेश सभा सदस्य प्रेम बहादुर पुलामी, विशेष अथिती नेकपा माओवादी केन्द्र बागमती प्रदेश सचीवलय सदस्य एबम बागमती गाउँपालिकाका अध्यक्ष सर्केश घलानले टिका खादा लगाएर स्वागत गर्नुभयो । केही समय अघि मात्रै शान्तिपुरमै भएको पार्टी प्रवेश कार्यक्रममा ५४ जना माओवादी केन्द्रमा प्रवेश गरेका थिए ।

img 20250122 wa0041493797108649088909

पार्टी प्रवेश गर्नेहरूले जनताको पक्षमा काम गर्ने पार्टी माओवादी भएकाले प्रवेश बताएका छन् । शान्तिपुरमा अहिले मुख्य खानेपानीको समस्या भएकाले यसलाई समाधान गर्न नेताहरू अनुरोध गरेका छन् ।

माओवादी केन्द्र वडा नम्बर ८ कमिटीका अध्यक्ष पुर्ण पुर्ण सिं थिङ्को अध्यक्षता भएको कार्यक्रममा बागमती गाउँ कमिटीका इन्चार्ज ज्ञान सागर लामा, पार्टी अध्यक्ष अरुण बल र सचीव रहर सिं थिङ लगायतको आतिथ्यता रहेको थियो ।

0 comments
0 FacebookTwitterPinterestEmail


नेपाल कम्युनिस्ट पार्टी (माओवादी केन्द्र) हरिहरपुरगढी गाउँ कमिटीको प्रथम बैठक आज आइतबार सम्पन्न भएको छ । गाउँ कमिटीका अध्यक्ष जितबहादुर ठाडाको अध्यक्षता तथा पार्टीका सिन्धुली जिल्ला इञ्चार्ज बुद्धिमान माझीको प्रमुख आतिथ्यतामा बैठक सम्पन्न भएको हो ।
बैठकलाई सम्बोधन गर्नुहुँदै जिल्ला इन्चार्ज माझीले माघ महिनाभित्रमा पार्टीको आन्तरिक सुदृढीकरणसहित बैठक, भेला सभा, सम्मेलन सम्पन्न सरिसक्ने बताउनुभयो । उहाँले हरिहरपुरगढीमा जनप्रतिनिधि र पार्टीबीच सुमधुर सम्बन्ध रहेको भन्नुहुँदै प्रशंसा गर्नुभयो ।
“पार्टी मुख्य हो, जनप्रतिनिधि सहायक । किनकि त्यो मोर्चा हो । सरकारको मोर्चाबाट जनतालाई सेवा प्रवाह गर्ने हो । विकासको माध्यमबाट नै संगठनलाई सुदृढीकरण गर्नुपर्छ,” उहाँले भन्नुभयो ।
जनप्रतिनिधि र पार्टीबीचको सम्बन्ध एकदमै अभिभाज्य रहेको इञ्चार्ज माझीको भनाइ छ । “यी दुवैले एकले अर्काेलाई पूरक काम गर्छ । पार्टीको निम्ति जनप्रतिनिधि बाधक हुन्छ भन्नु भ्रममात्रै हो,” उहाँले थप्नुभयो ।
कार्यक्रममा माओवादी केन्द्रका बामगती प्रदेशका सहसचिव प्रकाश श्रेष्ठले कम्युनिस्टहरुले बनाउन खोजेको राज्यसत्ता समाजवादी राज्यसत्ता रहेको बताउनुभयो । कम्युनिस्ट आन्दोलनको सात दशकको एउटा अध्याय सकियो । जुन सामन्तवादविरुद्धको लडाइँ अन्त्य गरेर अब पुँजीवादविरुद्धको लडाइँ सुरु भएको श्रेष्ठले बताउनुभयो ।
कम्युनिस्टका पछिल्लो पुस्ताहरु भौतिकवादीभन्दा बढी आध्यात्मकवादतर्फ बढी केन्द्रित भइरहेको श्रेष्ठको भनाइ छ । त्यसैका लागि पनि कम्युनिस्ट प्रशिक्षण आवश्यक रहेको बताउनुभयो ।
कार्यक्रममा बागमती प्रदेश सदस्य तथा गाउँपालिका इञ्चार्ज ज्ञानबहादुर राई, बागमती प्रदेश सदस्य बाबुराम राईलगायतको उपस्थिति रहको थियो ।

0 comments
0 FacebookTwitterPinterestEmail


नेपाल कम्युनिस्ट पार्टी (माओवादी केन्द्र) का बागमती प्रदेश सदस्य बज्रध्वज वाईबाले कम्युनिस्ट विचारधारा प्रभावकारी बनाउन कार्यकर्तालाई प्रशिक्षण दिनुपर्ने बताउनुभएको छ । कार्यकर्ताको व्यवहारमा कम्युनिस्टपन नदेखिएकोले प्रशिक्षण आवश्यक रहेको उहाँको भनाइ छ ।
‘माओवादी केन्द्रका कार्यकर्तालाई कम्युनिस्ट सिद्धान्तमा पोख्त बनाउन जरुरी भएको छ । त्यसैले पार्टीमा तत्काल राजनीतिक तथा वैचारिक प्रशिक्षण चलाउनुपर्छ,’ आइतबार माओवादी केन्द्र हरिहरपुरगढी गाउँ कमिटीको प्रथम पूर्ण बैठकमा सम्बोधन गर्नुहुँदै उहाँले भन्नुभयो
एमाले–कांग्रेस जस्तो एक दिन बैठक बसेर माओवादीको क्रान्ति सफल नहुने वाईबाले बताउनुभयो । ‘हाम्रो पार्टी क्रान्तिकारी हो भन्ने तर चेतनाको बीउ रोप्न नसिकाउने हो भने कसरी कम्युनिस्ट पार्टी संस्थागत हुन्छ ? महान् सहिदहरुले रगत बगाएको रगत यतिका लागि मात्र हो त ?,’ हरिहरपुरगढी गाउँपालिकाका अध्यक्षसमेत रहनुभएका वाईबाले प्रश्न गर्नुभयो ।
चेतनाको बीउ नरोपेसम्म कम्युनिस्ट पार्टी शक्तिशाली बन्न नसक्ने उहाँको दाबी छ । वैचारिक लडाइँको गतिलो हतियार नै प्रशिक्षण भएकोमा जोड दिनुहुँदै उहाँले आफ्ना नेता कार्यकर्तालाई उक्त हतियार दिनुपर्ने बताउनुभयो ।
प्रदेश सदस्य वाईबाले हालै निर्वाचित हरिहरपुरगढी गाउँ कमिटीलाई समयसँगै अपग्रेट हुन सुझाव दिनुभयो । उहाँले चेतनाविना विकास सम्भव नभएकोले कार्यकर्ता अध्ययनशील हुन पनि जरुरी रहेको बताउनुभयो ।
हरिहरपुरगढी गाउँ कमिटीको कार्यालयका लागि एक लाख रुपैयाँ बराबरको पुस्तकालय र आवश्यक सामग्री उपलब्ध गराउने प्रतिबद्धतासमेत प्रदेश सदस्य वाईबाले जनाउनुभयो ।

0 comments
0 FacebookTwitterPinterestEmail

सिन्धुलीको हरिहरपुरगढीमा युबा संघ नेपाल हरिहरपुरगढी गाउँ कमिटिको दोस्रो अधिबेशन सम्पन्न भएको छ। हरिहरपुरगढीको वडा नम्बर -५ भलखडामा एमालेको भातृ संगठन युबा संघ नेपाल हरिहरपुरगढी गाउँ कमिटिको अधिबेशन सम्पन्न भएको हो। अधिबेशनमा नेकपा एमाले केन्द्रिय सदस्य कमलजंग राईको प्रमुख आतिथ्यतामा भएको थियो,युबा संघका केन्द्रिय सदस्य दिपक माझी,बागमती प्रदेश युबा संघका सदस्य दुर्गा श्रेष्ठ,युबा संघ सिन्धुलीका अध्यक्ष अरुण पाखृन,एमाले जिल्ला सदस्य युबराज श्रेष्ठ,एमाले जिल्ला सदस्य झलक कुमार माझि,एमाले जिल्ला सदस्य मेघराज राई ,एमाले हरिहरपुरगढी अध्यक्ष मान बहादुर वाईबा, युबासंघ नेपाल हरिहरपुरगढीका अध्यक्ष सुबर्ण राई लगायतको आतिथ्यता रहेको थियो।
अधिबेशनमा अर्पण बम्जनको अध्यक्षतामा २९ सदस्यीय नया समिति गठन गरेको छ।

0 comments
0 FacebookTwitterPinterestEmail

अखिल नेपाल राष्ट्रिय स्वतन्त्र विद्यार्थी युनियन हरिहरपुरगढीको प्रथम अधिबेशन आज हरिहरपुरगढी -४ जुटपानीमा सम्पन्न भएको छ।

अनिल अस्थानीको अध्यक्षता,अनेरास्ववियु बागमती प्रदेश सचिबालय सदस्य क. सन्तोष घिमिरेको प्रमुख एबंम नेकपा एमाले केन्द्रिय कमिटी सदस्य क.कमल जंग राईको बिशिस्ट आतिथ्यता अखिल जिल्ला पदाधिकारी,नेकपा एमाले जिल्ला कमिटी सदस्य र हरिहरपुरगढी पालिका कमिटी पदाधिकारीहरु लगायतको उपस्तिथिमा सम्पन्न अधिबेशन बाट बिजय रपालको नेतृत्वमा ३१ सदस्यीय पालिका कमिटी सर्बसम्मत चयन गरिएको नेकपा एमाले हरिहरपुरगढी पालिका कमिटी सचिब सत्यमान मोक्तानले जानकारी गराएको छ।

0 comments
0 FacebookTwitterPinterestEmail

बागमती – बागमती गाउँपालिका वडा नम्बर ७ मन्साहीका झण्डै एक दर्जन एमाले र काङ्ग्रेस पार्टी परित्याग गरि माओवादीमा गरेका छन। आज बिहिवार मन्साहीको घैयाखोरियामा एक कार्यक्रमका बिच अकल बहादुर वाइबाको नेतृत्वमा कुमार थापा, गोकर्ण तिमल्सिना ,बलराम ब्रामु, अनिश वाइबा ,दिपक तिमल्सिना ,अन्त नारायण गौतम ,हेमनाथ गौतम,चन्द्र कुमारी थापा ,सलिना हुमागाई , शिबकुमारी हुमागाई,प्रमिला थापा मगर,च्याप्सङ थोकर,चेत बहादुर तिमल्सिना र टिकुली माया थोकर लगायतका ब्यक्तित्वहरु माओवादीमा प्रबेश गरेका छ्न।

आज घैयाखोरियामा पार्टी प्रबेश कार्यक्रममा त्यहाँ स्थानीयले ठुलोथली जाने मोटरबाटो,खानेपानी , विद्युत र तटबन्ध लगायतका विषयमा गुनासोसंगै माग पनि राखेका छ्न। वडा न.७ का अध्यक्ष अकल बहादुर गोलेको सभाध्यक्षमा भएको कार्यक्रममा नबप्रबेश आफ्ना पार्टी समर्थकहरुलाई सम्बोधन गर्नु हुँदै पार्टी कार्यक्रमका प्रमुख अथिती नेकपा माओवादी केन्द्र बागमती प्रदेश सचिवालय सदस्य एबम बागमती गाउपालिका अध्यक्ष सर्केश घलानले जनताको मत लिएर गएकाहरुले बिर्सिए पनि आफुले सधैं सम्झिने र साथ सहयोग गरि रहने प्रतिबद्धता व्यक्त गर्नु भएको छ।

यसै क्रममा मन्तव्य राख्नु हुँदै घैयाखोरिया हुँदै ठुलोथलि जाने सडक,खानेपानी ,विद्युतका केहि समस्यको समाधानका लागि गाउँपालिकाले सहयोग गर्ने प्रतिबद्धता व्यक्त गर्नु भएको छ। पार्टी प्रबेश कार्यक्रममा नेकपा माओवादी केन्द्र बागमती कमिटीका अध्यक्ष अरुण बल ,पार्टी सचीव रहर सिं थिङ, गाउँकमिटी सदस्य टिकालाल श्रेष्ठ ,लिला आले, मनोज बल, वडा नम्बर ८ का वरिष्ठ उपाध्यक्ष करण स्याङ्तान ,सुमन थोकर लगायतका ब्यक्तित्वहरुको उपस्थिति रहेका थिए।

0 comments
0 FacebookTwitterPinterestEmail

सिन्धुलीको हरिहरपुरगढी गाउँपालिकामा नेकपा एमाले सम्बद्ध लोकतान्त्रिक आदिवासी जनजाती महासंघ हरिहरपुरगढीको दोश्रो अधिबेशन हरिहरपुरगढी-५ बोटेनीमा सम्पन्न भएको छ। नेकपा एमाले केन्द्रिय कमिटी सदस्य एबंम सिन्धुली जिल्ला इन्चार्ज मनोज जंग थापा प्रमुख आतिथ्यतामा, बागमती प्रदेश उद्योग तथा बाणिज्य मन्त्री माननीय शुकुमायाँ तामाङको बिशेष आतिथ्यतामा सम्पन्न कार्यक्रममा नेकपा एमाले केन्द्रिय कमिटी सदस्य कमल जंग राई,केन्द्रिय सल्लाहकार परिषद सदस्य रामकुमार पौडेल र बागमती प्रदेश कमिटी सदस्य हिरा लामाको उपस्थितिका बिच सम्पन्न कार्यक्रममा माओवादी केन्द्र र नेपाली काङ्ग्रेस पार्टी परित्याग गरि ३५ जनाको संख्यामा नेकपा एमालेमा प्रवेश गरेको छ। नव प्रबेशी सबैलाई प्रमुख अतिथि मनोज जंग थापाले खादा लगाउँदै स्वागत गरेका थिए। कार्यक्रममा बोल्नुहुदै बागमती प्रदेश उद्योग तथा बाणिज्य मन्त्री शुकुमायाँ तामाङले स्थानीय श्रोत र साधनबाट उत्पादित सामग्रीहरुको बजारीकरण र ब्यबस्थापन गर्नमा प्रदेश सरकारले उचित पहलकदमी गर्नेमा आफू लागि पर्ने बताउनुका साथै,आज सम्पन्न अधिबेशनबाट जगत बहादुर मोक्तानको नेतृत्वमा लोकतान्त्रिक आदिवासी जनजाति महासंघ हरिहरपुरगढीको २१ सदस्यीय कमिटी गठन गरेको नेकपा एमाले हरिहरपुरगढी सचिब सत्यमान मोक्तानले जानकारी दिए।

0 comments
0 FacebookTwitterPinterestEmail

हरिहरपुरगढी गाउँपालिका कमिटीको दोश्रो गाउँ सभाबाट नेकपा माओवादी केन्द्र अध्यक्षमा जित बहादुर ठाडा”अजित”निर्वाचित हुनुभएको छ ।
पदाधिकारी सर्बसम्मत नभएपछि निर्बाचन भएको थियो कुल मत ९१ मत ल्याए अजित अध्यक्षमा विजयी हुनु भएको हाे । उहाँका निकटतम प्रतिद्वन्द्वी बिल बम्जनले ६३ मत ल्याउनु भएकाे छ भने काेषाध्यक्षमा रमेश घलान”कार्साङ” ११४ मत सहित विजयी हुनुभएको छ ।

निकटतम प्रतिद्वन्द्वी बाबुलाल भाेलनले ३९ मत प्राप्त गर्नुभएको छ । अधिवेशनबाट यी दुई पद बाहेककाे अन्य पदाधिकारी भने सर्वसम्मत निर्वाचित भएका छन् ।कमिटीकाे बरिष्ठ उपाध्यक्षमा अनिता राई,उपाध्यक्षहरूमा बिच बहादुर माेक्तान, एक बहादुर माेक्तान, सचिवमा माेहनकाजी विश्वकर्मा र सहसचिवमा धन बहादुर माेक्तान सर्वसम्मत निर्वाचित भएका हुन् ।

0 comments
0 FacebookTwitterPinterestEmail

बागमतीः बागमती गाउँपालिका वडा नम्बर ८ स्थित शान्तिपुरमा दर्जनौं जनता नेकपा माओवादी केन्द्रमा प्रवेश गरेको छ । शुक्रबार पार्टी वडा नम्बर ८ कमिटीले एक कार्यक्रमका बीच ५ दर्जन जनतालाई पार्टीमा प्रवेश गराएर स्वागत गरेको हो ।

1735911121676


पार्टी प्रवेश कार्यक्रमलाई सम्बोधन गर्नुहुँदै पार्टी बागमती प्रदेश सचिवालय सदस्य सर्केश घलानले देश र जनताको मुहार फेर्न माओवादीले काम गरिरहेको बताउनुभएको छ । उहाँले देशको समृद्ध र सुशासनको लागि माओवादी लडिरहेको बताउनुभयो । अहिलेको सरकारले गरिब जनताको पक्षमा काम नगरिरहेको उहाँको भनाई छ । पछिल्लो समयमा माओवादी केन्द्रमा जनताको आकर्षण बढेको र माओवादी ल्याएको व्यवस्था नै ठिक भन्ने बुझेको उहाँले बताउनुभयो । बागमती गाउँपालिकालाई समृद्धि बनाउन सबैको साथ आवश्यक रहेको भन्दै उहाँले सबै एक भएर काम गर्न आवश्यक रहेको बताउनुभयो ।

1735911136313


कार्यक्रममा ५२ जना नेकपा एमाले, नेपाली काङ्ग्रेस र राष्ट्रिय प्रजातन्त्र पार्टी परित्याग गरी माओवादी केन्द्रमा प्रवेश गरेका हुन् । नेकपा एमालेकी सक्रिय कार्यकर्ता फुलमाया थोकरको नेतृत्वमा पार्टी प्रवेश गरेका हुन् । पार्टी प्रवेश गर्नेहरूमा एमालेका ४४ जना, नेपाली काङ्ग्रेस परित्याग गरी ७ जना र राप्रपाका ४ जना रहेका छन् ।


पार्टी वडा नम्बर ८ कमिटीका अध्यक्ष पुर्ण बहादुर थिङको सभाध्यक्षतामा भएको पार्टी प्रवेश कार्यक्रममा पार्टी गाउँपालिका कमिटीका इन्चार्ज ज्ञान सागर भोलन, अध्यक्ष अरुण बल र सचीव रहर सिं थिङ लगायतको आतिथ्यता रहेको थियो ।

0 comments
0 FacebookTwitterPinterestEmail

सिन्धुली हरिहरपुरगढी गाउँपालिका माओबादी केन्द्रको दोस्रो गाउँ सम्मेलन यहि पुष १९ गते हुने भएको छ।
गाउँ सम्मेलन हरिहरपुरगढी -७ क्वाटरमा हुने भएको हो।पालिकाको ८ वडाबाट प्रतिनिधि सहितको सहभागीतामा सम्मेलन हुने पालिका पार्टी इन्चार्ज ज्ञान बहादुर राईले बताउनुभयो।
दोश्रो अधिबेशनबाट नयाँ नेतृत्वले गाउँ कमिटीको सङठ्नलाई अर्को उचाईमा पुर्याउने राईले दाबी गर्नुभयो ।

0 comments
0 FacebookTwitterPinterestEmail

सम्पर्क ठेगाना

+977 9848944780

हरिहरपुरगढी - २ झनझने, सिन्धुली

[email protected]

हाम्रो टिम

प्रबन्धक/प्रधान सम्पादक: विशाल राज राई

सम्पादक: रस्मिता राई

सह-सम्पादक: महेश कुमार राई

सम्बाददाता: रोशन गहतराज

सम्बाददाता: युभास श्रेष्ठ

हाम्रो बारे

कम्पनि दर्ता नम्बर: ३२५७५५/८०/०८१

सञ्चार रजिस्ट्रार द.नं: ००२३०/०८०/०८१ (बागमती प्रदेश)

प्रेस काउन्सिल सू.नं.: