Mero Patra 
स्याङ्जाका कान्तिपुरकर्मी तथा प्रेस चौतारी गण्डकी प्रदेशका सदस्य रोशन लामिछाने माथि पत्रकार प्रकाश डोटेलले कुटपिट गर्ने धम्की दिएका छन् । शनिवार राति १० बजे फोन मार्फत डोटेलले कुटपिट गर्ने धम्की दिएका हुन् ।
नेपाल पत्रकार महासंघ गण्डकी प्रदेशको सदस्य समेत रहेका डोटेलले आफूले रोशन लामिछानेलाई केही नभनेको बताएका छन् । यद्यपि लामिछानेले फोन रेकर्ड सुरक्षित भएको र ज्यान सुरक्षाको माग गरेका छन् ।
पत्रकार डोटेलले रुखकटान र गोलियामा परिणत गरेबापत वन ऐन २०४९ को दफा ४९ (ण) को कसुरमा ऐ को दफा ५० (१) (ञ) बमोजिम जरिवाना गर्ने गरी जिल्ला अदालतले फैसला गरेको थियो ।
फौजदारी अभियोगमा दोषी ठहर भएका व्यक्तिलाई पत्रकार महासंघको सदस्य हुन नमिल्ने कानुनी व्यवस्था छ । सोही विषयलाई लिएर अदालतले दोषी ठहर गरेका व्यक्तिलाई पत्रकार हुन नमिल्ने उजुरी डोटेल विरुद्ध पर्दै आएको थियो ।
पत्रकार महासंघले सदस्यता शुद्धिकरण र जिल्ला जिल्लाबाट परेको उजुरी माथि छानबिन गर्दैछ । छानविनमा भएको उजुरी कस्ले हाल्यो भन्ने विषय गोप्य रहने प्रावधान छ । तर , पत्रकार महासंघबाट तेरो हस्ताक्षर सहितको उजुरी मेरो म्यारेन्जरमा छ भन्दै डोटेलले थर्काएका छन् । नेपाल पत्रकार महासंघमा भएको गोप्य सुचना तथा उजुरी चुहावट हुनु गलत रहेको प्रेस चौतारी नेपाल स्याङ्जाका अध्यक्ष हरि प्रसाद सुवेदीले बताए ।
रोशन लामिछानेलाई धम्कि दिएकोमा गम्भीर ध्यानआकर्षण जनाउदै प्रेस चौतारी स्याङ्जाले प्रेस बिज्ञप्ति जारि गरेको छ,बिज्ञप्तिमा पत्रकारिता क्षेत्रमा पत्रकारबाट नै ज्यान जोगाउन गाह्रो हुने गरी आएको धम्कीप्रति प्रेस चौतारी नेपाल चिन्तित बनेको छ र दोषी उपर छानबिन गरी कानुनी कारबाहीको माग गरेको छ ।
लामिछानेले आफ्नो ज्यानको सुरक्षा पाउँ भनी जिल्ला प्रहरी कार्यालय स्याङ्जामा निवेदन दिएका छन् ।
