सिन्धुलीको मरिणमा कार र बोलेरो ठोक्किदा एक महिलाको मृत्यु

11

सिन्धुली मरिण गाउँपालिका वडा नं ७ देउजोर स्थित मदनभण्डारी राजमार्गमा कार र बोलेरो ठोक्किदा एक महिलाको मृत्यु भएको छ। दिउसो २ २० बजेको समयमा नारायणगढबाट बिराटनगरतर्फ आउदै गरेको विराटनगर न.पा. वडा नं. १२ बस्ने बर्ष ६४ ओम ब.अर्जालले चलाएको बा ७ च ७५५४ नम्बरको कार र बिपरित दिशा सिन्धुलीबाट हेटौंडातर्फ जाँदै गरेको चितवन भरतपुर म.न.पा.वडा नं.१६ बस्ने पृतम परियारले चलाएको बा.प्र.०३-००१ च १६२३ नम्बरको बोलेरो एक-आपसमा ठक्कर खाई दुर्घटना हुँदा सडक पेटीमा बसिरहेकी मरिण गा.पा.वडा नं. ०७ बस्ने बर्ष ७६ कि बुद्धलक्ष्मी श्रेष्ठलाई बोलेरो पल्टिएर लाग्दा घाईते भई उपचारको लागी जिल्ला अस्पताल सिन्धुली ल्याईएकोमा दिउसो २ :५० बजेको समयमा अस्पताल प्रशासनले मृत्यु घोषणा गरेको जिल्ला प्रहरी सिन्धुलीका प्रहरी नायव उपरीक्षकअनिल कुमार खडकाले बताए।
कारमा सवार ३ जना व्यक्त्ति समेत घाईते भई उपचारको लागी प्रथामिक स्वास्थ्य केन्द्र कपिलाकोटमा उपचार भई रहेको उनीहरुको अबस्था सामान्य रहेको खडकाले बताए ।बोलेरो, बोलेरोको चालक, कार र कारका चालक प्रहरीको नियन्त्रणमा रहेको प्रहरी नायव उपरीक्षक अनिल कुमार खडकाले बताए।