Mero Patra 
झनझने , असोज २९:सिन्धुलीको हरिहरपुरगढीमा मंगलबार हरिहरपुरगढी गाउँपालिका कार्यालय आसपास रहेका बजार सडकमा सरसफाई भएको छ ।पालिका अध्यक्ष बज्रध्वज वाईवाको नेतृत्वमा बडा दशैं, तिहार, छठ, ल्होछार लगायतका पर्वहरुको अवसरमा वडा नं. २ स्थित भाईरल जङ्गल, श्रीपुर बजार हुँदै चैनपुर बजारसम्म बृहत सरसफाई कार्यक्रम सम्पन्न भएको हो।
सरसफाईमा आफू स्वयम खटिदै पालिका प्रमुख वाईबाले सुरुवात आफैबाट गर्नुपर्ने र आफ्नो ठाउँ , टोल,चोक,गाउँ हामी आफैले सफा राख्नुपर्ने बताउनुभयो त्यस्तै हरिहरपुरगढी कै चर्चित भाईरल जङ्गलमा सुरुवातमा फोहोर राख्ने डस्बिन ,खानेपानी, सौचालय सहितको व्यबस्थित पार्क बनाउने बताउनुभयो ।
कार्यक्रममा निवर्तमान गाउँपालिका उपाध्यक्ष अनिता कुमारी राई, वडा अध्यक्षद्वय विश्व राई र कुल बहादुर भोलन, कार्यपालिका सदस्यद्वय सन्तली राई र मोहनकाजी वि.क.,कर्मचारीहरु, प्रहरी,नगर प्रहरी , राजनीतिक दलका प्रतिनिधि, बजार व्यवस्थापन समितीका पदाधिकारी, बुद्धिजीवी , व्यापारी र स्थानीय व्यक्तिहरुको बाक्लो उपस्थिति रहेको थियो।
