हेटौंडा: मकवानपुरको कैलाश गाउँपालिकामा ९ ए साइड फुटबल प्रतियोगिता हुने भएको छ । स्यार्से कालिका क्लबले विजय दशमीको अवसरमा शुक्रबारदेखि प्रतियोगिता आयोजना गर्न लागेको हो ।
प्रतियोगिताका सह-संयोजक चिरण बर्तौलाका अनुसार कैलाश-९ मा संचालन हुने प्रतियोगिताको उद्घाटन खेलमा आयोजक स्यार्से कालिका र ग्याङ स्टार बीच प्रतिस्पर्धा हुनेछ । यस्तै शुक्रबारको दोस्रो खेलमा वरिष्ठ १० नम्बर क्लब र आमडाँडा क्लब बीच प्रतिस्पर्धा हुनेछ । प्रतियोगिताको फाइनल खेल असोज २२ गते हुनेछ । प्रतियोगिताको विजेता टिमले खसी र उपविजेताले बोका प्राप्त गर्नेछन् ।
