Mero Patra 
16
सिन्धुलीको हरिहरपुरगढी -१ बस्तीपुर र वडा नम्बर ३ को सिमानामा स्थित बागमती नदि किनारमा बेबारिसे महिलाको लास फेला परेको छ। बिहान ७ बजे स्थानियले नदि किनारामा लास देखेपछि प्रहरी चौकी गुर्जीमा सम्पर्क गरेका थिए। इलाका प्रहरी कार्यालय कपिलाकोटबाट प्रहरी निरीक्षकको टोलि सहित लास भएको स्थानमा आई मुचुल्का उठाइएको थियो।अन्दाजी २५ /३० बर्षको महिलाको लासको हातमा ट्याटु ,दुवै हातमा औलामा औठी रहेको प्रहरीले जनाएको छ।
हरिहरपुरगढी गाउँपालिका प्रमुख बज्रध्वज वाईबा,वडा नम्बर ३ का वडा अध्यक्ष कुल बहादुर भोलन, वडा नम्बर १ का वडा सदस्य शुशिल घिसिङ्गको रोहबरमा बेबारिसे महिलाको लासलाई पोस्टमार्टमको लागि कपिलाकोट पठाइएको प्रहरीले जनाएको छ।महिलाको पहिचान हुन नसकेको र अनुसन्धान भैरहेको जिल्ला प्रहरी कार्यालय सिन्धुलीले जनाएको छ।
