Mero Patra 
हरिहरपुरगढी गाउँपालिकाले संविधान दिवसको अवसरमा आज खुल्ला नृत्य प्रतियोगिताको गरेको छ। प्रतियोगिताको उपाधी वडा नम्बर ५ मा रहेको जनहित माध्यमिक विद्यालय बोटेनीले जितेको छ ।
१० औं संविधान दिवस तथा राष्ट्रिय दिवसको अवसरमा हरिहरपुरगढी गाउँपालिकाको शिक्षा, युवा तथा खेलकुद शाखाले आयोजना गरेको नृत्य प्रतियोगितामा पालिका भित्रका ११ वटा विद्यालयका ६ देखि १० कक्षा सम्म पढ्दै गरेका विद्यार्थीहरुले सहभागीता जनाएका थिए ।
खुल्ला नृत्य प्रतियोगितामा प्रथम भएको जनहित माध्यमिक विद्यालय बोटेनीले नगद १० हजार रुपैयाँ सहित प्रमाणपत्र पुरस्कार पाएको छ ।
त्यस्तै दोस्रो स्थान हासिल गरेका वडा नम्बर ३ को भानुभक्त मावि तिनकुनाले नगद ७ हजार रुपैयाँ, तेस्रो स्थान प्राप्त गरेका वडा नम्बर १ को मावि कर्मिडाडा चिसापानीले नगद ५ हजार रुपैयाँ र सानत्वना स्थान हासिल गरेका वडा नम्बर ४ को मावि महेन्द्रझ्याडीले नगद २ हजार रुपैयाँ सहित प्रमाणपत्र पुरस्कार पाएको छ ।
हरिहरपुरगढी गाउँपालिका अध्यक्ष बज्रध्वज वाईबाको अध्यक्षतामा भएको प्रतियोगितामा उपाध्यक्ष चेख बहादुर थिङ, प्रमुख प्रशासकीय अधिकृत दिपेन्द्र कुमार पैकरा, गाउँपालसका प्रवक्ता एवं ४ नम्बर वडाअध्यक्ष कमल कुमार राई, २ नम्बर वडा अध्यक्ष विश्व राई, ७ नम्बर वडा अध्यक्ष बिच बहादुर मोक्तान, विभिन्न राजनीति दलका नेता, विद्यालयका शिक्षक विद्यार्थी लगाएतको उपस्थिति रहेको छ ।संविधानबारे जन स्तरमा अझै पूर्ण जानकारी नभएको बताउनुभयो
संबिधान भन्ने ख्याल ख्याल होइन १७ हजारको बलिदान ,जनआन्दोलन र जनयुद्दको उपलब्धि भएको बताउनुभयो त्यस्तै बिधार्थीको कलालाई उजागर गर्न य्निहरुको प्रतिभालाई सबै माझ ल्याउन आयोजना गरिएको हरिहरपुरगढी गाउँपालिकाका अध्यक्ष बज्रध्वज वाईबाले बताउनुभयो ।
