Mero Patra 
माओवादी केन्द्र सिन्धुलीका नेता रजन एमालेमा प्रवेस नेकपा माओवादी केन्द्र सिन्धुलीका नेता नरबहादुर रजन एमालेमा प्रवेस गरेका छन् । माओवादी केन्द्र सिन्धुलीका जिल्ला कमिटी सदस्य नरबहादुर रजन मगर आज एमाले स्थायी कमिटी सदस्य तथा बागमती प्रदेश इन्चार्ज डा.राजन भट्टराईको हातबाट टिका ग्रहण गर्दै एमालेमा प्रवेस गरेका हुन् ।
माओवादी केन्द्र सिन्धुली जिल्ला कमिटि सदस्य तथा शहिद दलबहादुर रजन मगरको छोरा समेत रहेका उनी तल्कालीन जिल्ला पार्टी जिल्ला इन्चार्ज राजन दाहालको कार्य शैलिको विरोध गर्दै आएका थिए । त्यसैगरी राप्रपा नेपालबाट तीनकन्याका फडिन्द्रबहादुर ठकुरी पनि एमाले प्रवेश गरेका छन् । प्रवेस गराउँदै डा.राजन भट्टराईले पुरानै घर फर्केकोमा राजन र ठकुरीलाई धन्यावाद दिँदै एमालेको विकल्प नरहेको बताए । नेकपा एमाले जनताको पार्टी हो, राजनीति स्वार्थ रहित हुनुपर्ने बताउँदै सबै जझारु, विकास प्रेमी र शान्ती चाहानेहरुलाई एमालेमा गोलबन्ध हुनसमेत आग्रह गरेका थिए ।
