स्याङ्जामा पहिरोमा परेर तीनको मृत्यु, पाँचजना घाइते

2

स्याङ्जाको बिरुवा गाउँपालिका ६ लामाखेतमा आज दिउँसो पहिरोमा पुरिएर तीनजनाको मृत्यु भएको छ ।पहिरोले पुरिएर बिरुवा गाउँपालिका–६ माझकोट का ६७वर्षीया हरिमाया शर्मा, सोही स्थानका ७१ वर्षीय माधव शर्मा र ६५ वर्षीया गुह्येश्वरी शर्माको मृत्यु भएको हो।
पहिरोको जोखिममा रहेका आफ्ना घरबाट सुरक्षित स्थानमा गएकाको पुरिएर ज्यान गएको हो । पहिरोको जोखिम नभएको ठानेर सुरक्षित भनेर राखिएको ठाउँमा दिउसो अचानक पहिरो खसेर घर पुरिँदा उनीहरुको मृत्यु भएको प्रहरी कार्यालयका प्रवक्ता इन्द्रबहादुर रानाले बताउनुभयो ।
पहिरोमा परी पाँचजना घाइते भएका छन् । उनीहरूको स्थानीयवासी र बिरुवा प्रहरी चौकीको टोलीले उद्धार गरेको थियो ।