Mero Patra 
झनझने,असार १०:सिन्धुलीको हरिहरपुरगढी गाउँपालिकाले आज सोमबार १९ औ गाउँ सभा गरि आर्थिक बर्ष २०८१/०८२ को निति तथा कार्यक्रम र बजेट ल्याएको छ ।
“समृद्ध हरिहरपुरगढीको आधार, शिक्षा,कृषि,वन,पर्यटन र पूर्वाधार” भन्ने नारालाई साकार वनाउने लक्ष्य साथ गाउँपालिकाले निति तथा कार्यक्रम ल्याएको छ ।
गाउँपालिकाको १९ औ गाउँसभाको पहिलो बैठकमा निति तथा कार्यक्रम प्रस्तुत गर्दै गाउँपालिका अध्यक्ष बज्रध्वज वाइबाले कृषि ,लिफ्ट सिचाई बिधुत बिस्तारिकरण ,भौतिक सडक पूर्वाधार , सम्भावित पर्यटकीय क्षेत्रलाई संरक्षण गरि पूर्वाधार बनाउने,पढ्दै कमाउदै कार्यक्रम ,श्रीपुर बजारलाई कृषि बजारको रुपमा ब्यबस्थित गर्ने,एक घर एक दुहुना पशुपालन अभियान संचालन गरिने बताउनुभयो ।
“उज्यालो हरिहरपुरगढी कार्यक्रम” ले करिव ८० प्रतिशत लक्ष्य हांसिल गरि सकेको र नेपाल विधुत प्राधिकरणसँग थप समन्वय गरि आर्थिक वर्ष २०८१/०८२ भित्र शत प्रतिशत विद्युतिकरण कार्य सम्पन्न गर्ने लक्ष्य लिएको छ,बालवालिकाहरुमा हने शारीरिक तथा मानसिक हिंसा विरुद्ध अभिभावक र विद्यालय स्तरमा कार्यक्रम संचालन गरिने,जेष्ठ नागरिकहरुको औषधी उपचारका लागि वार्षिक रु.३००० ब्यबस्था गरिने ,ऐतिहासिक हरिहरपुरगढी किल्ला, कुण्डपोखरी, लोहासुर पोखरी, जितपुरगढीको संरक्षणका लागि आवस्यक कार्यक्रमको पहल गरिने ,सामुदायिक विद्यालयहरुको शैक्षिक गुणस्तर सुधारमा समुदायलाई नै सहभागी र जिम्मेवार वनाउन “सामुदायिक विद्यालय समुदायले नै सुधारौं” भन्ने अभियान संचालन गरिने,गाउँपालिका भित्र रहेका मठ, मन्दिर, गुम्बा लगायत सार्वजनिक सम्पत्तिको अभिलेखिकरण गरी संरक्षणको व्यवस्था मिलाईने, “हरिहरपुरगढीको शान, परिश्रमी किसान” भन्ने मूल नाराका साथ मरिण, वागमती र क्यानखोला किनारमा व्यवसायिक तरकारी तथा फलफूल खेतीलाई प्रोत्साहन गर्ने अध्यक्ष वाइबाले बताउनुभयो।
