Mero Patra 
बागमती गाउँपालिकाले जनतासँग जनप्रतिनिधि कार्यक्रम गर्ने भएको छ । जेठ ३ गते वडा नम्बर ४ मा स्थानिय ,बुद्धिजीवी ,संघ संस्था,पत्रकार ,खेलप्रेमी, शिक्षाप्रेमीहरुलाई उपस्थितिको लागि अनुरोध गरि पालिकाले सुचना जारि गरेको छ । कार्यक्रम दिउँसो २ बजे बागमती गाउँपालिका को सभाहलमा हुने बताइएको छ ।
बागमती गाउँपालिका आर्थिक बर्ष २०८१/०८२ को निति तथा कार्यक्रम र बजेट निर्माणको लागि बजेटलाई यथार्थपरक र जनचाहना अनुसार बनाउन आवश्यक सुझाव संकलनको लागि कार्यक्रमको आयोजना गर्न लागेको सूचनामा उल्लेख छ।
कार्यक्रम बागमती गाउँपालिकाको सबै वडाहरुमा सन्चालन हुनेछ ,वडा नम्बर ४ को कार्यक्रम सकिए लगत्तै अन्य वडाहरुमा पनि सूचना मार्फत सबैलाई जानकारी गराई जनतासंग जनप्रतिनिधि कार्यक्रम राख्ने योजना रहेको बागमती गाउँपालिकाको प्रमुख प्रशासकीय अधिकृत झम्क नारायण घलानले बताउनु भएको छ।
