सिन्धुलीको तीनपाटनमा बस र बाइक ठोक्किदा एकको मृत्यु

सिन्धुली ,चैत्र २४ :सिन्धुलीको तीनपाटन वडा नं.३, जोगे स्थित चकमके भित्री सडकमा आज बसले बाईकलाई ठक्कर दिदा एक जनाको मृत्यु भएको छ।

आज दिउसो १.५० बजे चकमकेबाट सिन्धुलीतर्फ आउँदै गरेको प्रदेश २ -०२-००३प ३४८८ नम्बरको मोटरसाइकल र काठमाण्डौबाट चकमकेतर्फ जादै गरेको बा.प्र.०१-००६ख ४६१४ नम्बरको बस एक्कासी मोडमा अनियन्त्रित भई बसको पछाडीको टायर माथिको भागमा ठक्कर खाई दुर्घटना हुँदा मोटरसाइकल चालक रौतहट परोहा नगरपालिका वडा न.-५,भिडियाहे घर भई हाल जिल्ला सिन्धुली कमलामाई – ६ बस्ने बर्ष ३० को दिपेन्द्र प्रसाद पटेलको टाउकोमा गम्भिर चोट लागि घाईते भई उपचारको लागी जिल्ला अस्पताल सिन्धुली पुर्याइको थियो ,अस्पतालले ३:१० बजे पटेललाई मृत्यु घोषणा गरेको थियो गाडी चालक सिन्धुली तीनपाटन- २ का ४१ बर्षीय राम बहादुर थापामगरलाई प्रहरीले नियन्त्रणमा लिएको जिल्ला प्रहरी कार्यालय सिन्धुलीका प्रहरी नायव उपरीक्षक अनिल कुमार खड्काले बताएका छन्।