गण्डकीका प्रदेशका मुख्यमन्त्रीले राजिनामा दिए

2

पोखरा,चैत्र २१ :गण्डकी प्रदेशका मुख्यमन्त्री सुरेन्द्रराज पाण्डेले राजीनामा दिएका छन् । आज बुधबार पाण्डेले प्रदेश प्रमुख डिल्लीराज भट्ट सामु राजिनामा पत्र बुझाएका हुन् ।

गएको फागुन २३ गते नेकपा माओवादी केन्द्रले समर्थन फिर्ता लिएपछि अल्पमतमा परेका मुख्यमन्त्री पाण्डेले यही २२ गतेभित्र संसद्मा विश्वासको मत लिनुपर्ने थियो । उनले विश्वास प्राप्त गर्ने स्थिति नदेखेपछि राजीनामा दिएका हुन ।गण्डकीमा एमालेका २२, माओवादीका सभामुखसहित ८ जना सांसद् छन् । जुन संख्या सरकार बनाउन पर्याप्त छैन । २ सदस्य रहेको राप्रपाले गठबन्धनलाई साथ नदिँदा बहुमत नपुग्ने भएपछि ठूलो दलको हैसियतमा फेरि आफैं मुख्यमन्त्री हुने रणनीति पाण्डेको छ । ६० सदस्यीय गण्डकी प्रदेशसभामा कांग्रेसका २७ सांसद छन् ।