Mero Patra 
सिन्धुलीमा बुधबार सम्पन्न १२ औं जिल्ला स्तरीय राष्ट्रपति रनिङ शिल्ड प्रतियोगिता २०८० मा कमलामाई नगरपालिका प्रथम भएको छ । त्यसै गरि प्रतियोगितामा हरिहरपुरगढी गाउँपालिकाले अनुशासनतर्फ प्रथम स्थान हासिल गर्न सफल भएको छ । अघिल्लो वर्ष पनि खेलकुदका क्षेत्रमा मुख्य महत्व रहने अनुशासनमा प्रथम नै भएको हरिहरपुरगढीले आफ्नो स्थान यस वर्ष पनि सुरक्षित राखेको छ ।
जिल्लाका ६ वटा गाउँपालिका र २ वटा नगरपालिका सहभागी रहेको जिल्लास्तरीय प्रतियोगितामा हरिहरपुरगढ़िले एथलेटिक्समा २ वटा स्वर्ण पदक जित्न सफल भएको छ भने ४ वटा रजत र ४ वटा कास्य पदक जितेको छ । त्यसैगरी, कराँतेमा १ स्वर्ण, दुई रजत र २ कास्य पदक जितेको छ । समापन कार्यक्रममा बागमती प्रदेशसभाका सांसद छत्रबहादुर बम्जनको प्रमुख आतिथ्यता र सिन्धुलीका प्रमुख जिल्ला अधिकारी भरत खनालको विशिष्ट आतिथ्यतामा सम्पन्न भएको थियो ।
