स्वास्थ्य

सिन्धुलीको हरिहरपुरगढी गाउँपालिका वडा नम्बर ५ स्थित बोटेनीमा अनुग्रह सामुदायिक विकास नेपाल (जिसिडीयन) को आयोजनामा हाडजोर्नी तथा नसा सम्बन्धी एक दिने निशुल्क स्वास्थ्य शिविर सन्चालन गरिएको छ ।

शिविर हरिहरपुरगढी गाउँपालिका ५ नम्बर वडाका अध्यक्ष साईला लामाको अध्यक्षता तथा प्रमुख प्रशासकीय अधिकृत दिपेन्द्र कुमार पैकरा, स्वास्थ्य शाखा प्रमुख मनोज कुमार सुयाल,शिक्षा शाखा प्रमुख रामेश्वर पुडाशैनी, सिङ्गापुरका डाक्टर यौन कान होन तथा अन्य स्थानियको उपस्थिती रहेको थियो ।

एक दिने शिविरमा १ सय ६० जना भन्दा बढीले हाडजोर्नी तथा नसा सम्बन्धी समस्या भएका, बाथरोगका बिरामीहरुले सेवा लिएका छन् ।

सिन्धुलीको हरिहरपुरगढी गाउँपालिकामा संघिय विशेष कार्यक्रम अन्र्तगत सुरक्षित मातृत्व तथा नवशिशु स्वास्थ्य सेवाको सुनिश्चतता सम्बन्धी वडा स्तरीय पैरवी गोष्ठी कार्यक्रम सम्पन्न भएको छ ।
हरिहरपुरगढी गाउँपालिकाका उपाध्यक्ष चेख बहादुर थिङको अध्यक्षता तथा प्रमुख प्रशासकीय अधिकृत दिपेन्द्र कुमार पैकराको उपस्थितीमा जनस्वास्थ्य कार्यालय सिन्धुलीले एक दिने पैरवी गोष्ठी कार्यक्रमको आयोजना गरेको थियो ।

गाउँपालिकाका उपाध्यक्ष चेख बहादुर थिङले स्वास्थ्यकर्मीहरुले गर्भवती महिलाहरुको घरमै पुगेर स्वास्थ्य अवस्थाको जानकारी लिन आग्रह गर्नुभयो । पछिल्लो समयमा क्यान्सर र क्षयरोगका बिरामीहरु भेटिएकाले स्वास्थ्यकर्मीहरुले उहाँले बताउनुभयो ।

कार्यक्रममा जनस्वास्थ्य कार्यालय सिन्धुलीका प्रमुख गजेन्द्रप्रसाद यादवले कार्यक्रमको उदेश्यबारे सहजीकरण गर्नुभयो । हरिहरपुरगढीका ८ वटै वडाका अध्यक्ष तथा स्वास्थ्य सँस्था प्रमुखको उपस्थितीमा सँस्थागत सुत्केरी बढाउने, घरमा सुत्केरी गराउनेलाई निरुत्साहित गर्ने, ८ पटक प्रोटोकल अनुसारको गर्भवती जाँच बढाउने तथा उत्तर प्रसूति घरभेट कार्यक्रम’ लाई प्रोत्साहन गर्नको लागि गोष्ठी सन्चालन गरिएको थियो ।

फापरबारीः बागमती गाउँपालिका वडा नम्बर ६ स्थित फापरबारीमा डिजिटल एक्स–रे मार्फत स्क्रिनिङ क्याम्प संचालन भएको छ । समुदायमा लुकेर रहेका सक्रिय क्षयरोगको खोजपड्ताल कार्यक्रम अन्तर्गत बागमती गाउँपालिकाको स्वास्थ्य शाखाको आयोजनामा दोस्रो दिन बिहिबार फापरबारीमा स्क्रिनिङ क्याम्प संचालन भएको हो ।
क्याम्पको अवलोकन गर्नुहुँदै बागमती गाउँपालिका अध्यक्ष सर्केश घलानले क्षयरोगमुक्त पालिका अभियान अन्तर्गत सेवा सञ्चालन गरिएको बताउनुभयो । उहाँले नसर्ने रोग विरुद्धको अभियानलाई पालिकाभित्र समुदायस्तरमा पुर्‍याइने बताउनुभयो । उहाँले स्थानीय सरकारले जनताको स्वास्थ्यलाई प्राथमिकता दिएर काम गरिरहेको बताउनुभयो
स्क्रिनिङ क्याम्प अर्न्तगत दोस्रो दिन ६ सय २ जनाको डिजिटल एक्स–रे मार्फत स्वास्थ्य परिक्षण गर्नुका साथै नमुना संकलन गरिएको छ । जसमध्ये १२ जनामा क्षयरोग पुष्टि भएको बागमती गाउँपालिकाको स्वास्थ्य शाखाका प्रमुख दिनेश गुप्ताले बताउनुभयो । उहाँका अनुसार ६५ जना शंकास्पदको नमुना संकलन गरी परिक्षणका लागि हेटौंडा अस्पताल पठाइएको छ । जसको रिपोर्ट केही आउने उहाँले बताउनुभयो । क्षयरोग पुष्टि भएकाहरुको गाउँपालिकाले निशुल्क उपचार गरिदिनेछन् । क्याम्पमा सुगर परिक्षण गराएकोमध्ये ४५ जनामा पुष्टि भएकोे जनाएको छ ।
पहिलो दिन राईगाउँमा आयोजना भएको स्क्रिनिङ क्याम्पमा ३ सत ६१ जनाको डिजिटल एक्स–रे मार्फत स्वास्थ्य परिक्षण गर्नुका साथै नमुना संकलन गरिएको थियो । जसमध्ये १७ जनामा क्षयरोग पुष्टि भएका थिए भने ४८ जना शंकास्पदको नमुना संकलन गरिएको थियो । बुधबार भएको क्याम्पमा गाउँपालिकाका प्रमुख प्रशासकीय अधिकृत ओम बहादुर दर्जी पनि उपस्थित हुनुुहुन्थ्यो ।

राईगाउँः बागमती गाउँपालिका वडा नम्बर २ स्थित राईगाउँमा डिजिटल एक्स–रे मार्फत स्क्रिनिङ क्याम्प संचालन भएको छ । समुदायमा लुकेर रहेका सक्रिय क्षयरोगको खोजपड्ताल कार्यक्रम अन्तर्गत बुधबार बागमती गाउँपालिकाको स्वास्थ्य शाखाले स्क्रिनिङ क्याम्प संचालन गरेको हो ।

स्क्रिनिङ क्याम्पमा ३ सत ६१ जनाको डिजिटल एक्स–रे मार्फत स्वास्थ्य परिक्षण गर्नुका साथै नमुना संकलन गरिएको छ । जसमध्ये १७ जनामा क्षयरोग पुष्टि भएको बागमती गाउँपालिकाको स्वास्थ्य शाखाका प्रमुख दिनेश गुप्ताले बताउनुभयो । उहाँका अनुसार ४८ जना शंकास्पदको नमुना संकलन गरी परिक्षणका लागि हेटौंडा अस्पताल पठाइएको छ । जसको रिपोर्ट बिहिवार आउने उहाँले बताउनुभयो । क्षयरोग पुष्टि भएकाहरुको गाउँपालिकाले निशुल्क उपचार गरिदिनेछन् ।

कार्यक्रममा बोल्नुहुँदै बागमती गाउँपालिका अध्यक्ष सर्केश घलानले क्षयरोगमुक्त पालिका अभियान अन्तर्गत राइगाउँबाट सेवा सुरु गरिएको बताउनुभयो । उहाँले नसर्ने रोग विरुद्धको अभियानलाई पालिकाभित्र समुदायस्तरमा पुर्‍याइने बताउनुभयो । उहाँले स्थानीय सरकारले जनताको स्वास्थ्यलाई प्राथमिकता दिएर काम गरिरहेको बताउनुभयो । उहाँले सबै जना उपस्थित भएर सेवा लिन पनि आग्रह गर्नुभएको छ । क्याम्प संचालनका लागि अध्यक्ष घलानले विशेष पहल गर्नुभएको थियो ।

स्क्रिनिङ क्याम्पमा सुगर, प्रेसर, रगत, पिसाब, खकारलगायत नसर्ने रोगको परीक्षण गरिने आयोजकले जनाएका छन् । बुधबार बिहान ८ बजेदेखी बेलुका ७ बजेसम्म क्याम्प संचालन भएको थियो । यस्तै बिहीवार बागमती गाउँपालिकाको वडा नम्बर ६ स्थित स्वास्थ्य चौकी बेतिनीमा पनि बृहत स्क्रिनिङ क्याम्प संचालन हुँदैछ ।

बुधबार भएको क्याम्पमा गाउँपालिकाका अध्यक्ष घलानसहित प्रमुख प्रशासकीय अधिकृत ओम बहादुर दर्जी, बागमती–२ का वडाध्यक्ष जनक पहरी, वडा नम्बर ३ का वडाध्यक्ष कमान सिं पाख्रिन, वडा नम्बर ४ का वडाध्यक्ष दन्तलाल माझी र नेकपा माओवादी केन्द्र बागमती गाउँ कमिटीका अध्यक्ष अरुण बल लगायतको आतिथ्यता रहेको थियो ।

हरिहरपुरगढी गाउँपालिकाको ग्रामीण क्षेत्रमा एकीकृत जनस्वास्थ्य शिविर आजबाट सुरु भएको छ । वडा नम्बर ६, ७ र ८ का नागरिकलाई मध्यनजर गर्दै क्यानेश्वर स्वास्थ्य चौकीमा दुई दिने एकीकृत जनस्वास्थ्य शिविर तथा पोषण प्रवद्र्धन अभियान सुरु भएको हो ।
गाउँपालिकाका अध्यक्ष बज्रध्वज वाइबाको अध्यक्षतामा शुक्रबार आयोजित एक औपचारिक कार्यक्रमका बीच प्रतिनिधिसभा सदस्य लेखनाथ दाहाल (राजन) ले शिविरको उद्घाटन गर्नुभएको थियो । कार्यक्रमलाई सम्बोधन गर्नुहुँदै सांसद दाहालले पछिल्लो समयमा मानिस क्यान्सरबाट बढी पीडित हुने गरेको बताउनुभयो । क्यान्सर रोगको उपचार खर्च सामान्य नागरिकले धान्न नसक्ने भएकोले प्रतिनिधिसभाको बैठकमा बारम्बार विपन्न अस्पतालको आवश्यक रहेको कुरा उठाइएको उहाँले बताउनुभयो ।
“सहरका सरकारी अस्पतालमा गरिबको पहुँच हुँदैन । त्यही भएर भर्ना, आइसियु, भेण्टिलेटर जस्ता सुविधा पाइँदैन, अप्रेसन समयमा हुँदैन । सम्पन्नको निम्ति सरकारी अस्पतालजस्तो भएको छ । त्यसैले विपन्न नागरिक अस्पतालको खाँचो छ भनेर मैले कुरा उठाउने गरेको छु,’ सांसद दाहालले भन्नुभयो ।
गरिब परिचयपत्रको आधारमा नागरिकले स्वास्थ्य सेवा पाउनुपर्ने उहाँको भनाइ छ । दाहालले समयमै रोगको पहिचान हुन सकेमा उपचारबाट सहजै निको हुने भएकाले हरिहरपुरगढी गाउँपालिकाको ग्रामीण क्षेत्र मानिने क्यानेश्वरमा शिविर आयोजना गर्नु अति सान्दर्भिक रहेको भनाई राख्नुभयो ।
उहाँले शिविर सञ्चालन गरी विशेषज्ञ चिकित्सकलाई ग्रामीण क्षेत्रका नागरिकलाई भेटाएर जनतालाई चेकजाँचको अवसर प्रदान गरेकोमा आयोजक र सहकार्य गर्ने कार्यालयलाई धन्यवाद व्यक्त गर्नुभयो ।
कार्यक्रममा बागमती प्रदेशको स्वास्थ्य मन्त्रालयका प्रवक्ता तथा वरिष्ठ स्वास्थ्य प्रशासक डा. खगेश्वर गेलालले शिविरभित्रै विशेषज्ञ डाक्टरहरुद्वारा शिविरमा जनरल मेडिसिन, बालरोग, स्त्री तथा प्रसूतिरोग, दन्त सेवा, आँखा, नाक, कान, घाँटीलगायतको परीक्षण गर्ने बताउनुभयो । साथै क्षयरोगका शंकास्पद व्यक्तिहरुको खकार जाँच, नसर्ने रोगको स्क्रिनिङ, प्रयोगशाला सेवा, युएसजी, निःशुल्क औषधि वितरण तथा स्वास्थ्य जीवन परामर्श सेवासमेत शिविरमा प्रदान गरिने बताउनुभयो ।

उहाँले गाउँपालिकाको कार्यालय तथा स्वास्थ्य चौकीको निरीक्षण पश्चात् संघियताको नमूना हेर्न हरिहरपुरगढी गाउँपालिका जानुपर्छ भन्ने उदाहरणसमेत दिनुभएको छ ।
गाउँपालिकाका अध्यक्ष वाइबाले स्वास्थ्य शिविरमार्फत विशेषज्ञ स्वास्थ्य सेवाबाट वञ्चित बिरामीहरूलाई राहत पुग्ने विश्वास व्यक्त गर्नुभयो । जनस्वास्थ्य कार्यालय सिन्धुलीका प्रमुख खगेन्द्रप्रसाद यादवले शिविरबाट बिरामीमा पत्ता लागेको जटिल प्रकृतिको रोगको उपचारका लागि गाउँपालिकाको समन्वयमा अन्य अपतालमा पठाउने व्यवस्था रहेको बताउनुभयो ।
आयुर्वेद तथा वैकल्पिक चिकित्सालय सिन्धुलीका दिपकराज तिमल्सिनाले आयुर्वेद सेवाहरु ओपिडी सेवा, फिजियोथेरापी, अकुपञ्चर, ज्येष्ठ नागरिक सेवा, स्तनपायी आमाहरुलाई औषधि वितरणलगायतका सेवा प्रदान गरिने जानकारी दिनुभयो ।
गाउँपालिकाका प्रमुख प्रशासकीय अधिकृत दिपेन्द्रकुमार पैकराले कार्यक्रममा स्वागत मन्तव्य राख्नुभएको थियो । शिविरको पहिलो दिन आज ३७५ जना नागरिकले विभिन्न सेवा लिएको जानकारी दिइएको छ ।

सिन्धुलीको हरिहरपुरगढी गाउँपालिकामा यहि पौष १२ र १३ गते निशुल्क स्वास्थ्य शिबिर हुने भएको छ। गाउँपालिकाको आयोजनामा विशेषज्ञ डाक्टर सहितको बृहत स्वास्थ्य शिविर वडा नम्बर ७ स्थित क्यानेश्वर स्वास्थ्य चौकीमा हुने भएको हो।
शिबिरमा जनरल मेडिसिन सेवा,क्षयरोग संकास्पद व्यक्तिहरुको खकार जाँच ( AFB GeneXpet/X-ray),स्त्री तवा प्रसुति रोग विशेषज्ञ सेवा, प्रयोगशाला सेवा,बालरोग विशेषज्ञ सेवा,USG सेवा, दन्तरोग विशेषज्ञ सेवा,स्वास्थ्य जिवन परामर्श सेवा,आँखा नाक कान घाटी सम्बन्धी सेवा,निः शुल्क औषधी वितरण सेवा,नसर्ने रोगको स्क्रिनिङ सेवा,पाठेघरको मुखको क्यान्सर को जाँच,आयुर्वेद सेवाहरु OPD सेवा, फिजियो थेरापी, अकुपंचर, जेष्ठ नागरिक सेवा, स्तनपायी आमाहरुलाई औषधी वितरण पुर्व कर्म (एकांङ्ग स्वेत) लगायतका सेवा प्रदान गरिने तथा शिबिर बिहान १० बजे देखि बेलुका ४ बजे सम्म संचालन हुने हरिहरपुरगढी गाउँपालिका प्रमुख प्रशासकिय अधिकृत दिपेन्द्र कुमार पैकाराले बताउनुभयो।

बागमतीः बागमती गाउँपालिकामा छाती रोग सम्बन्धी निशुल्क एक्स-रे सेवा सञ्चालन हुने भएको छ । गाउँपालिकाको स्वास्थ्य शाखाको आयोजनामा दुई दिन निशुल्क रुपमा उक्त सेवा सञ्चालन हुन लागेकोे हो ।

पालिकाको स्वास्थ्य शाखाका प्रमुख दिनेश गुप्ताका अनुसार आगामी पौष १७ र १८ गते उक्त सेवा सञ्चालन हुनेछ । पौष १७ गते राईगाउँ स्वास्थ्य चौकीमा र दोस्रो दिन फापरबारीस्थित बेतिनी स्वास्थ्य चौकीबाट सेवा प्रवाह हुने प्रमुख गुप्ताले बताउनुभयो । उक्त दिन बिहान ९ बजेदेखि ४ बजेसम्म उपस्थित भएर सेवा लिन सकिने उहाँले बताउनुभयो । उक्त दिन दम, खोकी तथा छाती रोगको पनि चेकजाँच गर्न सकिने जनाएको छ । आफ्‌नो घरपरिवारमा उक्त समस्या भएका व्यक्तिहरु भएमा लिएर आई सेवा लिन पनि उहाँले अनुरोध गर्नुभयो ।

सिन्धुलीको हरिहरपुरगढिमा सन्चालीत दुई दिने आँखा शिविर विहिबार सम्पन्न भएको छ । कारितास नेपालको आयोजना तथा हरिहरपुरगढि गाउँपालिकाको समन्वयमा निशुल्क आँखा शिविर सम्पन्न भएको हो ।

दुई दिन सम्म सन्चालन भएको आँखा शिविरमा पाँच समय छविस जनाले आँखा जाँच गराएका थिए । जस मध्ये ती्रपन्न जना मोति विन्दु भएको कारितासले जनाएको छ । दुई दिने निशुल्क आँखा शिविरमा एक सय सर्चालीस जनालाई चस्मा वितरण गरिएको छ ।

हरिहरपुरगढि गाउँपालिका वडा नम्बर ३ स्थीत श्री भानुभक्त मावि तीनकुनामा सन्चालन भएको आँखा शिविरमा जेष्ठ नागरिकको बढि सहभागिता रहेको थियो ।

विविध स्वास्थ्य क्रियाकलापहरुमा महिला सामुदायिक स्वास्थ्य स्वयंसेविकाको भूमिका, स्वस्थ समाज निर्माणमा सहभागिता” भन्ने मूल नाराका साथ आज २१औँ राष्ट्रिय महिला सामुदायिक स्वास्थ्य स्वयंसेविका दिवस हरिहरपुरगढी गाउँपालिकामा मनाइएको छ। गाउँपालिका सभाहलमा सम्पन्न कार्यक्रममा हरिहरपुरगढी गाउपालिकाका प्रमुख प्रशासकीय अधिकृत दिपेन्द्र कुमार पैकराको अध्यक्षतामा भएको थियो। कार्यक्रममा बोल्नुहुदै महिला स्वास्थ्य स्वयंसेविका बिना पारिश्रमिक काम गरिरहेको अबस्थामा प्रोत्साहन गर्नुपर्ने तथा हरेक घर,टोल पुगेर स्वास्थ्य सम्बन्धि जानकारी लिई काम गर्ने स्वास्थ्य स्वयंसेविकाहरुको प्रशंशा गर्नुभयो।दिवसको अवसरमा स्वास्थ्य स्वयंसेविकालाई नेपाल सरकारले जनही ५००० हजार तथा संघिय सरकारको तर्फबाट रु १००० र पालिका बाट रु१५०० गरि मासिक २५०० सेवा भत्ता पाइरहेको हरिहरपुरगढीका स्वास्थ्य शाखा प्रमुख मनोज सुयालले बताउनुभयो। हाल हरिहरपुरगढी गाउपालिकामा ३६ जना महिला स्वास्थ्य स्वयंसेविका कार्यरत रहेका छन्।कार्यक्रममा महिला पालिका क्षेत्रमा कार्यरत महिला स्वास्थ्यकर्मी ,शाखागत कर्मचारीहरुको सहभागी थियो।

सिन्धुलीको हरिहरपुरगढी गाउँपालिकाको समन्वय र कारितास नेपालको आयोजनामा पालिकाको वडा नं.३ स्थित श्री भानुभक्त मा.वि.तिनकुनामा दुई दिने निशुल्क आँखा शिविर  सुरु भएको छ ।कार्यक्रमको उद्घाटन हरिहरपुरगढी गाउँपालिका अध्यक्ष  बज्रध्वज वाईबाले गर्नु भएको हो , कार्यक्रममा प्रमुख प्रशासकीय अधिकृत दिपेन्द्र कुमार पैकरा, जिन्शी शाखा प्रमुख दिपक कार्की कारितास नेपालका परियोजना संयोजक प्रज्ञा महर्जन,फिल्ड स्वास्थ अधिकृत पुर्ण भण्डारी,सामाजिक परिचालनकर्ता नेत्र बज्यु लगायतको सहभागी रहेको थियो ।

आज पहिलो दिन ३०१ जनाको आँखाको जाँच गरिएको छ ।

पुरुष १५३ जना , महिला १४८ जनाको जाँच गरिएको कारितासले जनाएको छ ।भोलि २० गते सम्म शिबिर सन्चालन हुने आयोजकले जनाएको छ ।