नेपाल आयल निगमले हवाई इन्धनको मूल्य घटाएको छ । भारतबाट मूल्य घटेर आएसँगै निगमले मंगलबारदेखि लागू हुने गरी हवाई इन्धन आन्तरिकतर्फ प्रतिलिटर ७ रुपैयाँ र अन्तर्राष्ट्रियतर्फ प्रतिकिलोलिटर अमेरिकी डलर ५१ घटाएको हो ।

निगमले जारी गरेको विज्ञप्ति अनुसार हवाई इन्धन अन्तर्राष्ट्रियतर्फ पोखरा र भैरहवाका लागि ब्रेक इभन प्वाइन्टमा बिक्री मूल्य कायम गरिएको छ ।

निगम सञ्चालक समितिको साेमबारकाे बैठकबाट डिजेल र मट्टितेलको मूल्य प्रतिलिटर २ रुपैयाँ घटाउने निर्णय भएको छ ।

निगमले सोमबार जारी गरेको विज्ञप्ति अनुसार भारतबाट प्राप्त खरिद मूल्यअनुसार पेट्रोलको भाउ प्रतिलिटर ४५ पैसा बढेर आएको थियो । डिजेल तथा मट्टितेलको मूल्य प्रतिलिटर २ रुपैयाँ १५ पैसा घटेर आएकोमा पेट्रोलको भाउ कुनै घटबढ नभए पनि डिजेल तथा मट्टितेलको भाउ घटाउने निर्णय भएको छ ।

रौतहट ३० , माघ
टीभीएस मोटरसाइकलको नेपालका लागि आधिकारिक वितरक जगदम्बा मोटर्सले आफ्नो लोकप्रिय फ्ल्यागशिप मोडेलहरू— टीभीएस अपाचे आरटीआर १६० रीफ्रेश ४ भि एफ डी र अपाचे आरटीआर १६० २ भि रीफ्रेश बी टी का लागि रोमाञ्चक अफरको घोषणा गरेको छ । यस अफर अन्तर्गत कम्पनीले बाइक पारखीहरूलाई ‘अनस्टपेबल फ्रिडम’को अनुभव पस्कँदै २ वर्षसम्मका लागि सम्मका लागी समस्या रहित लिमिटलेस राइडको सुनिश्चितता प्रदान गर्ने उद्देश्य लिएको गणपति अटो एण्ड सेन्टर चन्द्रनिगाहपुरका सञ्चालक रामहरी पण्डितले जानकारी दिनुभयो ।
बुृधबार चन्द्रपुरमा रहेको गणपति मा आयोजित एक कार्यक्रमका बीच प्रमुख अतिथि नेपाल पत्रकार महासंघ रौतहट शाखाका अध्यक्ष सञ्जय कार्कीले व्यानर अनावरण गर्दै अफरको सुरुवात गर्नुभएको हो । कार्यक्रममा बोल्दै अध्यक्ष कार्कीले टिभिएस मोटरसाइकल र स्कुटरले ग्राहकको मन जित्दै आइरहेको उल्लेख गर्दै आगामी दिनमा आफ्ना ग्राहकहरुलाई गुनासो गर्ने ठाउँनै नदिइकन काम गर्न सुझाउनुभयो ।
यो विशेष अफर अन्तर्गत नेपाल भरिका ग्राहकहरूले २ वर्षसम्मका लागि निःशुल्क स्पेयर पाट्र्स, इन्जिन आयल र सर्भिस प्राप्त गर्न सक्नेछन् । यस स्किम अन्र्तगत ग्राहकवर्गले रु.३१ हजारसम्मको बचत गर्न सक्ने यस सुविधाले आफ्ना उपभोक्तालाई सहज र चिन्तारहित यात्रा तथा प्रयोग अनुभव प्रदान गर्ने कम्पनीको विश्वास लिएको सञ्चालक पण्डितले जनाउनुभयो ।
टीभीएस अपाचे आरटीआर सिरिजले उन्नत रेसिङ प्रविधि उपयोग गर्दै ब्रान्डको ‘रेसिङ डीएनए अनलिश्ड’को सिद्धान्तलाई प्रतिबिम्बित गर्दै उच्च प्रदर्शन, आकर्षक डिजाइन, र उत्कृष्ट ह्यान्डलिङको संयोजनले यी बाइक शक्ति र सटिकताका लागि निर्माण गरिएको र यस सिरिजले रोमाञ्चक यात्रा गर्न मनपराउनेहरूका साथै दैनिक यात्रुहरूको आवश्यकतालाई समेत पुरा गर्ने उहाँको भनाइ छ ।
यसैबीच ग्राहक सन्तुष्टि सुनिश्चितताका लागि टीभीएसको बाइक वा स्कुटरको खरिद गर्दा आजीवन वारेन्टी पनि टीभीएसले प्रदान गर्ने र यसले ब्रान्डलाई ग्राहक केन्द्रित र गुणस्तरीय सेवा प्रदान गर्ने कार्यमा अग्रणी प्रमाणित गर्ने कम्पनीको विश्वास छ ।
सो अफरको सुरुवात कार्यक्रममा सञ्चारकर्मीहरु अशोक पहाडी, रमेश तिमल्सिना, श्याम कार्की, सन्तोष काफ्ले , मुकेश साह, रुपेन्द्र पटेल, दिपेन्द्र मिश्रा लगायत विभिन्न मोटरसाइकल वर्कसपका प्रतिनिधीहरुको उपस्थिति रहेको थियो ।

झनझने:सिन्धुलीको हरिहरपुरगढी गाउँपालिकाले सहकारीका सञ्चालक, पदाधिकारी तथा कर्मचारीहरुलाई लक्षित गरी सञ्चालन गरेको पाँचदिने नेतृत्व तथा क्षमता विकाससम्बन्धी तालिम आज सम्पन्न भएको छ। समापन कार्यक्रममा बोल्नुहुदै पालिका प्रमुख बज्रध्वज वाईबाले सहकारीलाई पारदर्शी र जवाफदेही बनाउनुपर्ने ,सहकारीमा अहिले जुन समस्या देखिएको छ, त्यो पारदर्शी र जवाफदेही बन्न नसक्दाको परिणाम भएको पारदर्शी र जवाफदेही बनाउन सके सहकारीमार्फत आर्थिक र सामाजिकरुपमा धेरै लाभ लिन सकिने बताउनुभयो।

५ दिन सम्म चलेको तालिममा गाउँपालिकाभित्र सञ्चालित सहकारीका सञ्चालक, पदाधिकारी तथा कर्मचारीहरुलाई सहकारी सञ्चालनसम्बन्धी विभिन्न विषयमा प्रशिक्षण दिइएको थियो। तालिमको पहिलो दिन आइतबार नेपाल बचत तथा ऋण केन्द्रीय सहकारी संघ (नेफस्कुन) का सहजकर्ता रविन्द्र श्रेष्ठले प्रशिक्षण दिनुभयो । उहाँले सहकारीको अवधारणा, विकासक्रम सहकारीको मूल्यमान्यता र सिद्धान्त, सहकारी संस्था र अन्य संस्थाबीच फरक, सञ्चालक समितिको भूमिका र दायित्व, सहकारीको कोष व्यवस्थापन र महत्त्वलगायत विषयमा प्रस्ट पार्नुभएको कार्यक्रम संयोजक एवं पालिकाका आर्थिक विकास शाखा प्रमुख संजित कार्कीले जानकारी दिनुभयो ।
सहकारीमा हुनसक्ने जोखिमहरु र समाधानका उपाय, सुरक्षित ऋण लगानीको प्रकृया तथा चरणहरु र आवश्यक कागजातको विषयमा पनि श्रेष्ठले प्रशिक्षार्थीहरुलाई जानकारी दिनुभएको थियो ।
बागमती प्रदेशको बचत तथा ऋण सहकारी संघका कृष्णहरी कोइरालाले पनि प्रशिक्षण दिनुभएको थियो । तालिममा सहकारीका पदाधिकारी तथा कर्मचारीलाई पर्ल्स अनुगमन प्रणाली, सहकारी संस्थामा पर्ल्सको महत्त्व, सिद्धान्त तथा पर्ल्स प्रविधिको विषयमा जानकारी गराइएको छ । त्यस्तै सहकारीमा रणनीतिक योजना, आवश्यकता, महत्त्व र रणनीतिक योजना निर्माणको प्रकृया र चरणणहरुको विषयमा पनि प्रशिक्षण गराइएको शाखा प्रमुख कार्कीले जानकारी दिनुभयो ।
उहाँले भन्नुभयो, “सहकारी सञ्चालनले विधि र प्रक्रिया राम्रोसँग बुझेर काम गर्न सकेमा सहकारीका समस्या कम हुँदै जाने भएकाले सहकारीका पदाधिकारी र कर्मचारीहरुका लागि तालिम सञ्चालन गरिएको हो ।”
सहकारी संस्थामा हुने सम्पूर्ण कामको व्यवस्थापन गर्ने, व्यवस्थापनलाई प्रभावकारी निर्देशन गर्नका लागि पनि व्यवस्थापक तथा पदाधिकारीले सहकारी ऐन, नियम, संस्थाको विनियम, निर्देशिकालगायतका विषयमा जानकारी राख्नुपर्ने भएकाले व्यवस्थापक तथा पदाधिकारीहरुका लागि तालिम सञ्चालन गरिएको तालिम संयोजक कार्कीले बताउनुभयो ।
तालिममा सहभागीहरुले पाँचदिने तालिमबाट सहकारी व्यवस्थापनसम्बन्धी महत्त्वपूर्ण ज्ञान पाएको बताउनुभयो । उहाँहरुले तालिमबाट प्राप्त ज्ञानलाई आ-आफ्नो सहकारीमा लागू गराउने प्रतिबद्धतासमेत जनाउनुभयो । यस प्रकारको तालिम गाउँपालिकाले समयसमयमा आयोजना गरे सहकारीका समस्या न्यूनीकरणमा महत्तवपूर्ण भूमिका खेल्ने सहभागीहरुको भनाइ थियो ।

नेपाल आयल निगमले शनिबारदेखि लागू हुने गरेर डिजेल र मट्टितेलको मूल्य बढाएको छ। निगमले डिजेल र मट्टितेलमा प्रतिलिटर ३ रूपैयाँले वृद्धि गरेको हो।

मूल्य वृद्धि भएसँगै पहिलो वर्गअन्तर्गत चारआली, विराटनगर, जनकपुर, अमलेखगन्ज, भवलारी, नेपालगञ्ज, धनगढी र वीरगञ्जमा डिजेल तथा मट्टितेलको मूल्य प्रतिलिटर १५० रूपैयाँ ५० पैसा कायम भएको छ।

त्यस्तै दोस्रो वर्गअन्तर्गत सुर्खेत र दाङमा डिजेल तथा मट्टितेलको मूल्य प्रतिलिटर १५२ र तेस्रो वर्गअन्तर्गत काठमाडौँ, पोखरा र दिपायलमा १५३ रुपैयाँ कायम भएको निगमले जनाएको छ।पेट्रोल र हवाई इन्धनको मूल्य भने यथावत् राखिएको छ।

आयल निगमले पेट्रोल, डिजेल र मट्टितेलको मूल्य बढाएको छ ।
निगम सञ्चालक समितिको बैठकले हिजो रातिदेखि लागू हुने गरी पेट्रोलमा प्रतिलिटर रु एक , डिजेल र मट्टितेलमा प्रतिलिटर रु चार वृद्धि गरेको हो ।

मूल्य समायोजनसँगै पेट्रोलको मूल्य पहिलो वर्गमा प्रतिलिटर रु.१५६.५०, दोस्रो वर्गमा रु.१५८ र तेस्रो वर्गमा रु.१५९ तथा डिजेल र मट्टितेल पहिलो वर्गमा रु.१४८.५०, दोस्रो वर्गमा रु.१५० र तेस्रो वर्गमा रु.१५१ कायम भएको छ ।

निगमले पहिलो वर्गअन्तर्गत चारआली, विराटनगर, जनकपुर, अमलेखगञ्ज, भलवासी, नेपालगञ्ज, धनगढी र वीरगञ्ज, दोस्रो वर्गअन्तर्गत सुर्खेत र दाङ तथा तेस्रो वर्गअन्तर्गत काठमाडौँ, पोखरा र दिपायलस्थित डिपोलाई वर्गीकरण गरेको छ ।

सुनचाँदीको मूल्य बढेको छ । दशैको बिदापछि आज सुनको मूल्य तोलामा १४ सयले बढेर छापावाल सुन तोलाको एक लाख ६० हजार ५०० मा कारोबार भएको नेपाल सुनचाँदी व्यवसायी महासंघले जनाएको छ ।यसअघि असोज २३ गते छापावाल सुन प्रतितोला एक लाख ५९ हजार १०० रुपैयाँमा कारोबार भएको थियो ।त्यस्तै आज चाँदीको मूल्य पनि तोलामा २५ रुपैयाँले बढेको छ । आज चाँदी प्रतितोला १९२५ रुपैयाँमा कारोबार भइरहेको महासंघले जनाएको छ ।